مابزعلوا ياناس هالشب الحلو

مابزعلوا حاجة عليي تتقولوا

تطليعته بتشلح هنا

وتنهيدته يلي لنا

وقلبي اللي كتبته الو

آآآآه مابزعلوا

قمري الريفي. قصة من عمر الورد. قصة حب بعمر الندى وعطر الورد. يوم كنت صغيرة. والهوى يسرح بقلبي ياخدوا ويرجعه. والناس بالضيعة يتوشوشوا. هي الصبية حبيبة القمر. ومني يغاروا بنات الضيعة. وحبيبي يغار إن فكر حدا يحاكيني. وبحركة عفوية يضم ايدي بإيدوا, لوفكرت شارك بالدبكة بعرس. أو برقصة بخطبة شب وصبية. والله يكون بعون يلي يفكر يعزمني على رقصة بفرح. وكل يوم الصبح على نغمات فيروزية يصحيني القمر. يلا حبيبي الورد صحصح والشجر . والنبعة عم تسأل عني وعنك ياقمر. ربي يكون بعون هالنبعة شقد شافت بشر. من العشق غيروا وجه الطبيعة لأحلى من القمر. وبوسة سرقة وبوسة قصد ,يمضى الصبح . بجنب المي ,بجنب الفي, والخضرة والشجر, وبدلال الصبية العاشقة , قلوا تأخرنا ياقمر, وصلي بقلبي ليضل القمر. موقصة هيي يمكن هيي العمر. بلحظات اختصر. ليقول الله للبشر. هي الحياة , حبوا واتدللوا يابني البشر. موغريبة , بعد كل هالحب والدلال. فجأة يختفي القمر. وتصير الحرب هيي الحاكمة, ويموت البشر, لا طير ضل سالم . ولاشجرة ولاحجر. الكل مفارق وحزين وناطر خبر. غريبة يا دنيا بلحظة بتهدينا كل الحب . وبلحظة ترمينا بالخطر. قصة الهوى الريفي موقصة قمر. يمكن قصة عمر ربنا بثواني اختصر. ليقول حبوا وتوبوا يابني البشر. لليوم بالريف كل يوم قصة عشق. أنقى وأطهر من روح طفل بهاللحظة خلق. وبكل قصة في حبيب وحبيبة , يمكن فرحوا ويمكن قلوبهم صغرت من الضجر. لليوم بالريف في فيروز الصبح بتغني للعشاق . وبيرقص الحجر.لليوم بالريف في حكايات حب وشوق وعذاب. بثواني اختصرت عمر. ليقول الله حبوا وعيشوا يابني البشر.

بحبك مابعرف هني قالولي

من يومها ..صار القمر أكبر

عتلالنا وصارت الزغلولة

تاكل عإيدي اللوز والسكر

رجع حبيبي من الحرب. وبجنون العاشق الريفي ضمني. ووعدني. أول يوم بتنتهي الحرب.

بيكون عرسي والقمر والشمس شهود على كتابي . رجع حبيبي من الحرب وببوسة مجنونة عمري اختصر . ليقول هيك الحب بيحلى يابشر.