مِش عاللاش
مِش عَاللاش ما بتلاقي خـ..ا الكلاب بكثرة إلّا بالمناطق الأرستقراطية. منّا صدفة، كميّة خـ...ا الكلاب بالـ Zone B أو C مثلاً. لاحِظ بمناطقن، قدّي مناطقنا تعتبر مشحّرة ومش صحيّة، بتِغْلَب بالكلاب الداشرة إنّو تخـ...ا شي مرّة عا رصيف، حدّ فرمشيّة، ولا يمكن!
إنّو حتى لو عا سبيل إنّو نقلّد المناطق الأرستقراطية الراقية واللي كلها خـ...ا، مستحيل.
الكلاب هون بيعوّوا، بيعضّوا، بينعفوا المزبلة ما بيخلّوا عضمة فرّوج بمحلها، بيتلّوا الدني بس ما بيخـ...وا. فظيعين من هالناحية، في عزّة نفس مخيفة عندهن، شو مصدرها ما بعرف، دكتاتورية البروليتاريا؟ عيشة التسكّع والشحادة؟ ممكن الكتام عا قلّة الأكل والأطباع اللي بتنتج عنّو.
حكمة اليوم: يا مَحْلى الكتام عند الخـ...ا

جمعة 14 آذار العظيمة
- الآب: لاه يا بابا، الجمعة الحزينة ما دخّلهن فيها السوريين، هيدي حزينة من قَبْل السوريين بكتير يا بابا... معقول ما قالولكن عنها بالمدرسة؟
- الابن: ما بيقولولنا شي.
- الآب: كيف هيك؟
- الابن: كلّن عن إشيا مش مظبوطين، بيخافوا من السوريين لأنو.
- الآب: ما بيصير بابا هَي أفظع مدرسة، بعدين السوريين: بَحّ! راحوا السوريين شو بعدها عم بتخبّركن المدرسة؟
- الابن: ومين صلب المسيح؟
- الآب: اليهود بابا، اليهود هنّي اللي صلبوا المسيح!
- الابن: أكيد؟
- الآب: أكيد بابا.
- الابن: آه، من شان هيك هجموا عليهن حزب الله؟
- الآب: أيوااااا!!!!! شفت كيف Pappi؟ هيك بدّي ياك.
- الروح القدس: أستغفر الله! (والوطن والعائلة). آمين.

7 أيّار
ما بْعِمرو كان معاشُن عا قدّنا
منشِدّ طْلوع بشدّو عا أدنى
حسَمنا الأمِر صمّمنا وعقدنا
بسبعة أيّار نمشي بالإضراب
إنتو رعيان سابقها قطيعا
خَلقتو ظروف مش ممكن أطيعا
ودولة بالنصّ حاكمها قطيعا
لكنِ الفقر مكتمل النصاب

عن جريدة الأخبار