مسرح / مسرحيات قصيرة جداً
باسم شرف
2006-04-09
دق الساعة خير!
(مسرح خالي من الديكور سوي كرسي عليه بؤرة إضاءة ترتكز عليه، وهذا بعد أن يتم عرض الخشبة جميعها لتظهر لوحات زيتية لمناظر طبيعية، وبورتريهات لشخصيات مجهولة، وشخصيات معروفة، وأدخنة تتصاعد من كوب شاي. ثم تهبط ساعة من سقف المسرح وتظل معلقة).
تدق عشر دقات
حالة صمت
تدق سبع دقات
حالة صمت
تدق دقتين
حالة صمت
لاتدق أبدا
يدخل رجل كبير السن: كفاية كده، أنا مروح، لأني زهقت
ويخرج .
إظلام تام.
مشهد عبثي
( 2 يتحرك ذهابا وايابا )
1: عايز تقول اية ؟
2: مش عايز أقول حاجة .
1: لاء انت عايز تقول .
2: ياأخي مش عايز أقول.
1: أمال اللي حاسس بيه ده يبقي ايه ؟
2: أكيد احساسك غلط، يا إما احساسي أنا بيتغير .
1: يتغير ازاي ؟
2: مش عارف .
1: كلامك عبارة عن ألغاز .
2: ( وكأنه يتذكر شخص ) كنت أعرفه وبعد فترة حاولت أنساه .
1: مين ده ؟
2: ولما حلمت بيه في يوم، قمت مفزوع، كأنه كابوس.
1: ليه ؟
2: صورته اتكررت قدامي اكتر من مرة.
1: أكيد انت أذيته.
2: لقيت كلمة روح، قلت جوايا هي الروح عبارة كلمة)لحظة صمت) أكيد أنا غلطان واللي بيدور ده كله عبارة عن أوهام وساعتها قلت احساسي اتغير .
1: انت بتتكلم علي مين ؟
2: معرفش .
إظلام تدريجي
من طرف عينه ضحك البهلوان
البهلوان: (يدخل مرتديا قبعته كثيرة الألوان ويرقد على دكة صغيرة في وسط شارع مليئبالأضواء والازدحام ثم نسمع صوت القطار فييقطع الصوت فجأة ثم يبدأ في الغناء وبصوت مفرح :
أنا باموت ـ هأهأ ـ أنا خلصت كلام مش باقي غير شوية
أنفاس كلها ثواني وتخرج ـ هأهأ ـ ولما تيجي تموت غني
وقول وبصوت عالي أنا باموت، أنا خلصت كلام مش باقي
غير أنفاس ( ثم يأخذ نفسا طويلا).
فيضحك الجميع .
إظلام تدريجي
لمبة منورة
(ولد يرتدى بذلة كاملة ويغطى نفسه فوق السرير)
الولد: بخاف أنام الليل لا ما أقمش تانى، فضل الإحساس ده ورايا لحد ما ظهر تحت عينى سواد.
اظلام تدريجي
من كتاب (جزمة واحدة مليئة بالأحداث)
مجموعة مسرحية قصيرة جدا
