اسأليني ..
اسألي الدمع فعيونك .. واسأليني
واسجني الليل فجفونك .. واعذريني
ما نويت اني أخونك
لكن انت اللي نسيتي الحب فيني
يا أميرة حبي الماضي القديم
ويا زهور تميل بهبوب النسيم
أبي ارحل فموجة دموعك مرةٍ وانسى الهموم
واترك شراعي فجفون الليل .. ما بين النجوم
واترك الفرحة تدوم
اسأليني .. عن هوى قلبي الحزين
واسأليني .. ليه انا فحبك سجين
واسألي البسمة عن احوال الشفايف
واسأليني ليه انا احبك وخايف ...!
خايف على حبك يضيع
وتذبل ورود الربيع
وننسى كل اللي مضى
ويرجع هوانا طفل ٍ فمهده رضيع
في عيونك ..
أبي انثر اشواقي ورود
وفي عيوني ..
بجمعك وانسى الوجود
واترك الذكرى تعيش
كل معنى للخلود
بذكرك لي من مشيت
وبذكرك لي من حكيت
وفي صلاتي
بذكرك وكت السجود
وبذكرك حتى فمنامي
وبالحروف اللي فكلامي
ولي مشيت آنا بطريقي
إسمك الغالي سلامي
إنت بتكوني سلامي