قصيدة باللهجة الفراتية
خاص ألف
2011-11-11
على دروب الهوى شفتك
مثل نيسان....
تضحك لليجيك بروح عطشانة
وتصيح بضحكتك مجروح
لكن ....
من يداوي جروحه بلهفة احزانه
وتمشي بمشيتك تحتار
خطواتك....
كل خطوة تركت بالقاع ورد ومايل اغصانه
وشفت شعرك يباهي الليل
طير ...وتلعب ويا الريح جنحانه
انزرع بية الدمع وانت
بحلاة العشق...
لي شفت بتوالي الليل نيشانه
الدمع مني انصبغ بالشوق
كل دمعة بسواجيها تتمنى تعيش فرحانه
ولك روحي جرف عطشان
هم يعطش جرف بالقاع .....يافلانه
مدري من الدلال انت ؟؟
لو أنت الدلال بطيفه ....والوانه
08-أيار-2021
25-تموز-2020 | |
03-آذار-2012 | |
11-تشرين الثاني-2011 | |
23-تشرين الأول-2011 | |
19-تشرين الثاني-2010 |
22-أيار-2021 | |
15-أيار-2021 | |
08-أيار-2021 | |
24-نيسان-2021 | |
17-نيسان-2021 |
