سقوط صديق آخر/ " قصيدة باللهجة ا لعراقية "
2009-12-07
سقوط صديق آخر
(( إلى عبد الرزاق الجميلي ))
" قصيدة باللهجة ا لعراقية "
حرك احجار الخيانة ... وزيد ما تكَدر تزيد ..
روحي صارت اقسى منك ..
وصار كَلبي من حديد !!
استلم آخر رسالة ...
كافي تنطر .. واستلم آخر بريدْ !
مو ضميرك صار سلعة ... ؟
تخلعه .. وتلبس جديد !
وهذا وجهك ﭼـم قناع
وضحكتك َ صارت جليدْ !!
ومو بعت إنته الصداقة ...؟!
واحْرقت كرت النهايـــــــــه !
واطْعَنت عشرتنا بيدك !
مره جاوبني بصراحة :
شلون إيــد تقطّــع إيـــد ْ ؟!
حرك احجارك صحيحة ...
احذر .. العب من بعيدْ
لعبتك خسرانة حتما ً .. وما أظنك تستفيدْ !.
ﭼـان جسمي لك جسور
تعبر وحِمْلَك يزيـــد !
ومن ظلالي صار إسمك !
ومن شموعي بان رسمك ..
وهذا قلبي وهاي روحي وكل جروحي ..
يخدمونك ...
رجّعت زمن النخاسة ... ورجّعت زمن العبيدْ !!
تذكرت ﭼـم مرة تشرب من مودتي ...؟
ومن حناني ...
ويا صبر وياك أصبر ..؟!
روحي ﭼـانت ليك نبعة
وجفت فروعي ومياهي ... وما تبقى عندي تشرب ...
غير دمي ...
هاك واكَطعلك وريدْ .
أحمد بغدادي
2009-11-19
××××
نقل المواد من الموقع دون الإشارة إلى المصدر يعتبر سرقة. نرجو ممن ينقلون عنا ذكر المصدر.
في المستقبل سنعلن عن أسماء جميع المواقع التي تنقل عنا دون ذكر المصدر
ألف
08-أيار-2021
15-أيار-2021 | |
24-نيسان-2021 | |
03-نيسان-2021 | |
27-آذار-2021 | |
06-آذار-2021 |
22-أيار-2021 | |
15-أيار-2021 | |
08-أيار-2021 | |
24-نيسان-2021 | |
17-نيسان-2021 |
