( 1)

يالو


عَنْ لوزْها المُرّ الحُلو
عنْ تينها وْصُبّارها
وترابا التبر
وِحْجارْتا, سُمّاقها وْخرّوبْها
عَن ْخرْبشِتْ إجرين
فوق ِدْروبْها
عن سُنبلة تغاوَتْ
- لوَحْدْها -
حَدّ السِّنسْلِة
عَنْ مَيّتا
الشهْد ِالسَّلسَبيل
وغروبْها الصّافي الجَميل
السَّهَرْ وِقمارْها
عن طلّتا عا جارْتا – عَمْواس
او قعْدِتا فوق ِالجَبَلْ
عنْ رَمْح ِالحَجَلْ
قبل الشروق
وعن توتها
الحاني عَكِتف ِبْيوتها
عَ الناس ْ
الكانوا ناسْها
وتفصّلوا عَقياسْها
في ميسْتين بْهَلعِلوْ
شقوا الحَجَر
وتشرّشوا
عا مَدى عُمْر ِالهَجَرْ
عَمْ يسْألوا
( 2 )



ثلاث صْحابْ وشط



عا كسْبْ وُدِّ القصَبْ
بيتنافسوا
هُوّي وْمَيّتا السَّمْحا الطَّهور
هَلرِيبوا سَوا
وْلِعْبوا بيوَحْلا سَوا
مِنْ حيشتِنْ وِعْيوا
عَلى شروق ِالشمِسْ
عا كِتف ِالصّخورْ
وتنسّموا طعْم ِالهَوا
هُوّي يْحَسْمِسْ بْعينو
عا فرِعْ مَغرورْ عَنْ إمّه انسَلخْ
وْهِيّ تلحْوِسْ
عَن ِطرافو الزّغبْ
وقالْ شو ؟
شبّابته بُكرا هُوْ
لمّا يْكون ِاستوى
وْهِيْ بيهزّا الطرَبْ
ويترقوَصوا ثلاثِتِنْ
على بْساط ِالسّرورْ
بَحْرِة وَلدْ وِغصين القصَبْ
---------------
كانوا ثلاثة صْحابْ وْشط
يبْنوا قصورْ
يتعَفروا بْغبرِتا
ويتمَرْجَحوا بْسِدْرِتا
وِيلقطوا ثمار ِالذّهَبْ
لا حيشتِنْ ما الشمِسْ
تِجْنحْ للغروبْ
ويفوت ِالعَتِمْ
مِثل ِالحَرامي
عا السَّكِتْ
عا ساحِة سَمَخْ